Botuar: E mërkurë, 20 gusht 2008 - 07:52 CET

Britanikët i gëzohen suksesit në Pekin

Ku atleti kinez, Liu Xiang kampioni olimpik nga Athina në garat e 110 metrave me pengesa, i cili të hënën u tërhoq nga gara për shkak të lëndimeve i ka kërkuar falje popullit kinez.

Liu konsiderohet si një ikonë kineze dhe pritej që të fitonte sërish, por për shkak të lëndimit ai u detyrua që të tërhiqet nga garat.

"Për arsye që kisha aq shumë përkrahës i thash vetes se duhet patjetër që të futem në garë, por thjesht nuk munda. Më vjen shumë keq," tha Liu Xiang.

Në Britani përjetohet si sukses i madh fakti, që vendi vazhdon të jetë i radhitur i treti në listën e vendeve me medalje ari.

E para në renditje është Kina, pas të cilës vjen SHBA-ja.

Sukses i madh konsiderohet ai i çiklistit Chris Hoy, i cili fitoi në garat e çiklizkmit me çka ai është i pari britanik pas 100 vjetësh, i cili arriti që të fitojë tre medalje ari në një Olimpiadë.

Hoy tha se nuk kishte marrë fare parasysh këtë fakt historik kur ishte në garë.

Në kampionatin olimpik të futbollit në finale do të luajnë Argjentina dhe Nigeria.

Kombëtarja argjentinase mundi atë të Brazilit me një rezultat 3 me 0.

Edhe pse ekipi i Brazilit kishte disa yje globale të futbollit, Argjentina arriti fitore të merituar dhe tani do të mbrojë titullin olimpik nga garat e Aathinës katër vjet më parë.

Në gjysëm finalen tjetër Nigeria mundi 4-1 Belgjikën, fitore që u konsiderua si surprizë.