Moska ka qënë kategorisht kundër një sistemi raketor në Europën qendrore.

Washingtoni këmbëngul se marrëveshja e arritur me Poloninë për mbrojtjen raketore amerikane, nuk ka lidhje me gjendjen në Gjeorgji.

Kryenegociatori amerikan John Rood, tha se marrëveshja për këto negociata ishte bërë përpara se të fillonin luftimet në Gjeorgji.

Administrata e Bushit gjithmonë ka theksuar se mbrojtja e saj raketore ka si qëllim që të ruajë sigurinë kundër sulmeve të mundshme nga rregjime të tilla si Irani, që nuk përbën kërcënim për Rusinë.

Deri tani SHBA është munduar të bindë Rusinë që t'a mbështesë këtë sistem mbrojtës raketor - madje edhe duke sugjeruar që Rusia të bëhej partnere.

Megjithatë Moska ka qënë kategorisht kundër një sistemi raketor në Europën qendrore.

Tani me ngjarjet ne Gjeorgji, SHBA ka më pak gjasa të shqetësohet në lidhje me kundërshtimet e Rusisë dhe më e gatshme për t'i dërguar aleatëve europainë si Polonisë sinjale se Amerika është e përgatitur që të garantojë mbrojtjen e tyre ndaj çdo kërcënimi.