Tensionet çuan në luftime të ashpra mes gjeorgjianëve dhe osetianëve

Administrat separatiste në Osetinë Jugore është përpjekur që të fitojë pavarësi jozyrtare që prej shkëputjes gjatë luftës civile të vitit 1990.

Rusia ka trupa në këtë rajon që kanë mandat paqëruajtës, por Moska i mbështet separatistët.

Statusi i Osetisë Jugore

Osetia Jugore i ka administruar çështjet e veta që prej luftës për pavarësinë në 1991-1992, pas përmbysjes së Bashkimit Sovjetik.

Rajoni ka shpallur pavarësinë por nuk është njohur prej asnjë vendi.

Presidenti gjeorgjian Mikhail Saakashvili ka premtuar se do të vërë në kontrollin e plotë të Gjeorgjisë Osetinë Jugore dhe provincën tjetër të shkëputur të Abkhazizë.

Kërkesat e osetianëve

Osetianët janë një grup i veçantë që e ka origjinën nga fushat ruse në jug të lumit Don. Në shekullin e 13 osetianët u shtynë drejt jugut prej pushtimit të mongolëve në malet e kaukazit, duke u vendosur përgjatë kufirit me Gjeorgjinë.

Osetia Jugore kërkon të bashkohet me vëllezërit e saj në Osetinë Veriore, që është një republikë autonome në Federatën ruse.

Gjeorgjianët janë minoritet në Osetinë Jugore dhe përbëjnë më pak se një të tretën e popullisë.

Shkaku i krizës së fundit

Tensionet janë rritur që prej zgjedhjes së presidentit Mikhail Saakashvili në 2004. Ai i ofroi Osetisë Jugore dialog dhe autonomi brenda një shteti të vetëm gjeorgjian.

Por në vitin 2006 osetianët e jugut votuan pro pavarësisë gjatë një referendumi jozyrtar.

Në prill të vitit 2008 NATO tha se Gjeorgjia do të lejohej në një të ardhme që t'i bashkohej Aleancës, gjë e cila e zemëro Rusinë, e cila është kundër zgjerimit drejt Lindjes së NATO-s.

Disa javë më vonë Rusia forcoi lidhje me separatistët në Abkhazi dhe Osetinë Jugore.

Në muajin korrik Rusia pranoi se një prej avionëve të saj kishte hyrë në hapësirën ajrore të Osetisë Jugore.

Ndikimi i mundshëm rus në luftë

Rusia këmbëngul se është duke vepruar si paqerujtëse në Osetinë Jugore, duke hedhur poshtë akuzat gjeorgjiane se po furnizon me armë separatistët.

Megjithatë ka premtuar se do t'i mbrojë shtetasit e Osetisë Jugore. Më shumë se 70 mijë shtetas kanë pranuar ofertën ruse për pasaporta.

Rusia mund ta shohë ndërhyrjen e kufizuar ushtarake më pak të rrezikshme se njohja e pavarësisë së Osetisë Jugore e cila do të sillte luftë me Gjeorgjinë.

Lidhjet Gjeorgji-NATO

Presidenti Saakashvili e ka kthyer anëtarësimin në NATo në një prej qëllimeve të tij kryesore. Gjeorgjia ka marrëdhënie të ngushta me SHBA-në dhe Evropën Perëndimore.

Ka nga ata që besojnë se zoti Saakashvili është duke shpresuar që ta sjellë NATO-n në një konflikt me Moskën, duke u zyrtarizuar kështu aleancën mes tyre.

Por analistët thonë se është e vështirë të imagjinohet se NATO mund t'i lejojë vetes të përfshihet në një konflikt direkt me rivalen e saj të Luftës së Ftohtë, të cilën mundi ta shmangë për një kohë të gjatë.