Oana Lungescu Korrespondente e BBC-së

	Dy agjenci bullgari pezullohen nga menaxhimi i fondeve të BE-së

BE po i mban fondet në linjë me paralajmërimet e dhëna më herët Bullgarisë kur vendi u anëtarësua në BE në janar të vitit të kaluar dhe ka ndaluar pagesat për dy agjenci qeveritare.

Drejtuesit e BE-së thonë se megjithë disa përpjekje për të luftuar korrupsionin dhe krimin e organizuar, institucionet duken të mira në letër, por nuk japin rezultate në praktikë.

BE ka paralajmëruar edhe Rumaninë për progresin e ngadaltë në këtë fushë.

Një zëdhënës i Komisionit evropian tha se BE donte të ndihmonte të dy vendet, por rezulatat duhet të vinin nga brenda vendit.

Për shkak të shqetësimeve në masë të madhe, përsa i takon zgjerimit të mëtejshëm të Bashkimit Evropian, mesazhi nga Komisioni Evropian është se nëse të rinjtë nuk sillen siç duhet ata do ta paguajnë.