Sekretarja Rice pritet të japë një mesazh të fortë për Korenë e Veriut

Në ato që janë kontaktet e rralla mes të dy vendeve ajo pritet të takohet edhe ministrin e Jashtëm të Koresë së Veriut, Pak Ui Chun.

Përpara bisedimeve, Dr Rice tha se do të mund të jepte një mesazh të fortë për Korenë e Veriut, që thotë se ajo duhet të pranojë verifikim të bindshëm se e ka çmontuar infrastrukturën bërthamore.

Katër vendet e tjera të përfshira në bisedimet për programin bërthamor të Koresë së Veriut, Kina, Rusia, Japonia dhe Koreja e Jugut marrin pjesë në takim.

Sekretari i Përgjithshëm i Organizatës së vendeve të Azisë Juglindore, Surin Pitsuwan, tha se bisedimet e planifikuara do të ishin një lëvizje inkurajuese.

"Ne natyrisht që e mirëpresim mundësinë që ata do të takohen këtu, ministrat e jashtëm të gjashtë palëve, për të ndjekur situatën në gadishullin korean."

"Unë mendoj se ne që të gjithë e ndjejmë se dëshirojmë të mbështesin dhe të shohim se procesi i ç'atomizimit do të shkojë sa më lehtë të jetë e mundur," tha zoti Pitsuwin.