Gjenerali Mladiq dhe Karaxhiq gjatë viteve të luftës në Bosnje

Psikiatër nga profesioni, zoti Karaxhiq u bë udhëheqësi i nacionalistëve serbë të Bosnjes në vitin 1990.

Dy vjet më vonë ai orkestroi sulmin e tyre ndaj shtetit të ri boshnjak të udhëhequr nga muslimanët dhe shpalli pavarësinë nga ish-federata jugosllave që atëhere po shpërbëhej.

Zoti Karaxhiq është parë gjerësisht se ka dhënë frymëzimin politik për fushatën e serbëve të Bosnjes për të spastruar etnikisht muslimanët dhe kroatët.

Si rezutlat i kësaj, Gjykata e Hagës e akuzoi atë për krime lufte dhe gjenocid në vitin 1995 - vit kur përfunduan luftimet.

Sipas kusheve të marrëveshjes Dejtonit, zoti Karaxhiq - si i dyshuar për krime lufte - u përjashtua nga të gjitha postet drejtuese.

Pas kësaj ai u fsheh dhe mundi të shmangte arrestimin për shumë vite.