Duke qëndruar në krah të presidentit gjeorgjian, Mikhail Saakashvili në kryeqytetin Tbilisi, zonja Rice tha se Amerika mbetet e angazhuar për integritetin territorial të Gjeorgjisë.

Shefja e diplomacisë amerikane tha se në rajonet e shkëputura duhet t'i jepet fund dhunës dhe Moska duhet të bëhet pjesë e zgjidhjes së problemit e jo të ndihmojë në mpleksjen e tij.

Të mërkurën Gjeorgjia akuzoi Rusinë për dërgimin e avionëve luftarakë në hapësirën e saj ajrore për të minuar vizitën e zonjës Rice.