General Motors ka humbur 15% të vlerës në një ditë

Faktorët kryesorë kanë qenë rënia e treguesve të shitjes së makinave dhe rritja e çmimit të karburantit.

Të mërkurën General Motors humbi 15 përqind të vlerës së aksioneve.

Në të njëjtën ditë tre prodhuesit kryesorë të automobilave në Shtetet e Bashkuara njoftuan se shitjet e makinave kishin rënë deri në 36% gjatë muajit të kaluar.

Kjo shihet si pasojë e krizës që ka prekur konsumatorët amerikanë.

Ekspertët thonë se General Motors arriti, në fakt, rezultate më të mira nga ç'parashikohej.

Por, shqetësimi për gjendjen financiare të kësaj kompanie bëri që vlera e aksioneve të bjerë me shpejtësi.

Një analist i njohur në fushën e biznesit tha se nuk përjashtohej mundësia e falimentimit nëse kompnaia nuk arrinte të siguronte një sasi të konsiderueshme kapitali shtesë.