Nëse armëpushimi mban, të hënën hiqet bllokada mbi Gazën

Me armëpushimin synohet që t'u jepet fund sulmeve me raketa të militantëve palestinezë mbi territorin izraelit dhe operacioneve ushtarake izraelite në Gazë.

Armëpushimi më i fundit mes palëve u shkel në prill të vitit të kaluar dhe që nga ajo kohë militantët palestinezë kanë hedhur 4 mijë raketa në jug të Izraelit duke shkaktuar 14 viktima.

Në të njëtën kohë, rreth 600 palestinezë kanë humbur jetën brenda territorit të Gazës nga operacionet palestineze.

Armëpushimi pason një proces të gjatë të negociatave jo të drejtpërdrejta të negociuara nga qeveria egjiptiane.

Zhvillime të tjera

Korrespondenti i BBC-së për Lindjen e Mesme, thotë se armëpushim nuk është vetëm për t'i dhënë fund dhunës.

Brenda pak ditësh, izraelitët duhet të fillojnë të heqin bllokadën ekonomike mbi Gazën.

Përparim mund të ketë dhe në shkëmbimin e të burgosurve.

Por korrespondenti ynë thotë se brenda Izraelit nuk janë të gjithë optimistë.

Disa politikanë dhe ushtarë kanë paralajmëruar se armëpushimi do t'i ofrojë vetëm një shans Hamasit që të rigrupohet dhe riarmatosohet.

Përfitime dypalëshe

Korrespondenti ynë thotë se ka disa arsye pse palët ranë dakord për armëpushimin me negociimin e egjiptianëve.

Hamasi dhe grupe të tjera militante kanë patur humbje, thotë ai.

Arsyeja tjetër është se ndërsa shumë banorë të Gazës thonë se Izraeli është shkaktari kryesor pse jeta e tyre është aq e vështirë, ka dhe nga ata që fajësojnë autoritetet e Hamasit që i qeverisin.

Izraelitët nga ana tjetër do ta vlerësojnë lehtësimin nga sulmet e përditshme me raketa.

Por shumë në Izrael po në të njëtën kohë, thotë korrespondenti ynë, kanë arritur në përfundimin se politika aktuale - bllokadë dhe aksione ushtarake, nuk ka arritur që ta dobësojë pushtetin 1 vjeçar të Hamasit në Gazë.