Mbledhja urgjente erdhi pas letrës së ushtarit izraelit të marrë peng

Ata pritet të diskutojnë për një armëpushim të ndërmjetësuar nga Egjipti me Lëvizjen Hamas, apo për të filluar një ofensivë të gjerë ushtarake në këtë territor.

Në dhunën më të fundit, Hamasi tha se tre anëtarë të tij kishin mbetur të vrarë gjatë një sulmi izraelit në lindje të Rripit të Gazës.

Takimi i udhëheqësve Izraelitë vjen një ditë pasi prindërit e një ushtari izraelit që po mbahet peng nga militantët palestinezë në Gazë, morën një letër nga i biri i tyre.

Izraeli kërkon që ushtari, Gilad Shalit të lirohet si pjesë e një armëpushimi.

Hamasi thotë se e do armëpushimin, por lirimi i ushtarit mund të jetë vetëm pjesë e një marrëveshjeje të veçantë që përfshin shkëmbimin e të burgosurve.