Aktualisht zoti Olmert po përballet me akuza për korrupsion, të cilat ai i hedh poshtë, por zoti Barak tha se kryeministri nuk mund të qëndrojë në detyrë teksa i nënshtrohet hetimeve.

Ministri i mbrojtjes, Barak, tha se me këtë çështje duhet të merret partia Kadima e zotit Olmert, por nëse kjo nuk ndodh, ai do ta çonte vendin në zgjedhje të parakohshme, duke e tërhequr Partinë Laburiste nga koalicioni qeveritar.

Vetë kryeministri Olmert ka thënë se do të japë dorëheqjen nëse policia vendos ta ndjekë atë penalisht.

Të martën, një sipërmarrës amerikan dëshmoi se i kishte dhënë zotit Olmert disa mijëra dollarë gjatë periudhe kohe. Zoti Olmert ka thënë se çdo donacion që ka pranuar ka qenë për qëllime të ligjshme politike.