Një ekip i ushtrisë që ka mbërritur në qytetin Yingxiu -- në afërsi të epiqendrës së tërmetit - kanë gjetur se kanë vdekur shumica e banorëve të këtij qyteti që dikur numëronte rreth dhjetë mijë vetë.

Helikopterët kanë filluar të evakuojnë të plagosurit nëpër spitale.

Në një qytet tjetër Qingchuan, më shumë se njëqind e shtatëdhjetë nxënës nga një shkollë e vetme kanë humbur jetën.

Deri tani janë konfirmuar rreth pesëmbëdhjetë mijë vetë por media shtetërore kineze thonë se nën rrënoja ndodhen njëzet e gjashtë mijë të tjerë.

Autoritetet kineze pohojnë se shkatërrimi në epiqendrën e tërmetit në Siçuan është i përmasave më të mëdha nga sa pritej.

Moti i keq po i pengon përpjekjet për shpëtimin e të mbijetuarve të tërmetit më të fortë që ka goditur Kinën në 30 vjetët e fundit.

50 mijë trupa të ushtrisë janë dërguar në krahinën e goditur nga tërmeti për të kërkuar të mbijetuarit dhe për të shpërndarë ndihma. Për të mbikqyrur operacionin atje ka shkuar edhe kryeministri i vendit.

Reshjet e vazhdueshme të shiut kanë shkaktuar rrëshqitje të dheut që ka bllokuar rrugët, ndërsa retë e ulëta kanë vështirësuar fluturimet me helikopterë.

Një zëdhënës i ministrisë kineze për çështjet civile tha se punonjësit e shërbimeve të urgjencës po përballen me shumë sfida, por shtoi se nuk duhej humbur shpresa për gjetjen e të mbijetuarve.