Zoti Bush ka thënë se dëshiron të rigjallërojë bisedimet mes Izraelit dhe palestinezëve.

Bush kërkon arritjen e një marrëveshjeje të plotë për të ardhmen e shtetit të Palestinës, para përfundimit sivjet të mandatit të tij në Shtëpinë e Bardhë.

Ish-kryeministri britanik, Tony Blair, tani në rolin e të dërguarit për bisedime në Lindjen e Mesme, tha se nuk kishte mbetur shumë kohë për të parë ndonjë përparim në terren.

Zoti Blair i tha BBC-së se procesi do të merrte një goditje të rëndë, nëse palestinezët nuk vërejnë ndonjë ndryshim të rëndësishëm gjatë muajve të ardhshëm.