Ledger u nominua për Oscar që në moshën 26 vjeçare

Trupi i tij pa jetë u gjet nga pastruesja e shtëpisë së marrë me qera nga Ledger, që ndodhet në një zonë të preferuar të qytetit.

Policia ka njoftuar se ka konfiskuar tableta për gjumë dhe tha se po hetonte mundësinë e një overdoze me to.

Jashtë shtëpisë ndërkohë në lagjen SoHO kanë filluar të mblidhen adhurues të tij.

Aktori 28 vjeçar nga Australia dy vjet më parë u nominua për Çmim Oskar për rolin e kaubojit homoseksual që luajti në filmin Brokeback Mountain.

Vdekje 'tragjike'

Në një deklaratë, familjat e Heath Ledger e përshkroi atë si vëlla dhe bir të dashur e prind të dhëmbsur.

Ata e cilësuan vdekja e tij si tragjike, të parakohshme dhe aksidentale.

Korrespondenti i BBC-së në New York thotë se policia nuk e ka përjashtuar mundësionë e vetëvrasjes.

Aktori i lindur në Perth, në muajin shtator u nda nga e dashura, aktorja amerika Michelle Williams, me të cilën ka një vajzë dy vjeçare.

Aktorë të Hollywoodit kanë shprehur keqardhje për vdekjen e kolegut të tyre të ri, që është cilësuar ndër më të talentuarit e brezit të tij.