BBCAlbanian.com
 
Botuar: E hënë, 31 dhjetor 2007 - 08:15 CET
 
Dërgoja një miku   Version i printueshëm
Ende asnjë vendim për zgjedhjet
 
Pakistan
Vrasja e Benazir Bhuttos ka çuar në protesta dhe veprime të dhunshme
Komisioni elektoral në Pakistan ka bërë të ditur se do të konsultojë partitë politike në vend para se të bëjë të ditur nëse të shtyjë apo jo zgjedhjet parlamentare të 8 janarit.

Ai tha se do ta bëjë të ditur vendimin të mërkurën.

Komisioni më herët kërkoi edhe raporte për gjendjen në krahinat e Pakistanit për t'u siguruar nëse janari është koha e përshtatshme për zhvillimin e zgjedhjeve.

Dhuna, veçanërisht në krahinën Sindh ka shkaktuar probleme të mëdha në logjistikën e zgjedhjeve. Zyrat e disa komisioneve zgjedhore janë djegur bashkë me listat e votuesve.

Trashëgimtarët politikë

Partia e udhëheqëses së vrarë të opozitës pakistaneze, Benazir Bhutto, ka caktuar djalin e saj 19 vjeçar dhe bashkëshortin si bashkëdrejtues të partisë.

Studenti Bilawal tha se do të ishte titullar i Partisë së Popullit të Pakistanit, por se kontrollin e saj do ta kishte babai i tij, Asif Ali Zardari.

Bashkëdrejtuesit e rinj të partisë thanë se do të marrin pjesë në zgjedhjet parlamentare të tetë janarit.

Paqartësi

Nuk është e qartë se kush do të bëhet kryeministër nëse fiton Partia e Popullit.

Zoti Zardari është një figurë shumë e debatueshme që ende përballet me akuza për korrupsion, ndërsa i biri, Bilawal, është student në Britani.

Një korrepondent i BBC-së në Pakistan thotë se nuk është e sigurtë nëse ekipi babë-e-djalë do të shihet si forcë e besueshme në politikën pakistaneze.

Reagime

Presidenti Musharraf ka thënë se do ta shqyrtojë mundësinë e ndihmës ndërkombëtare për të hetuar vdekjen e zonjës Bhutto.

Në një reagim të fundit, kryeministri britanik Gordon Brown u ka bërë thirrje pakistanezëve të ruajnë qetësinë, ndërkohë që udhëheqësit e tyre po shqyrtojnë se si të ruajnë ecurinë e procesit demokratik të vendit.

Në një shkrim për një gazetë të Pakistanit, zoti Brown thotë se zgjedhjet e lira e të ndershme janë pengesa më e madhe për terroristët.

 
 
LOKALE
Caktohen pasuesit e Bhuttos
30 dhjetor 2007 | Faqja Kryesore
Zgjedhjet e janarit në pikëpyetje
29 dhjetor 2007 | Faqja Kryesore
Bota dënon vrasjen e Bhuttos
28 dhjetor 2007 | Faqja Kryesore
Pakistanezët vajtojnë Bhutton
28 dhjetor 2007 | Faqja Kryesore
Udhëtimi i fundit i Bhuttos
28 dhjetor, 2007 | Fotogaleri
Benazir Bhutto - jeta në foto
28 dhjetor, 2007 | Fotogaleri
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>