Princi shprehu nderimet e tij për "nënën më të mirë në botë" në shërbesën përkujtimore me rastin e 10 vjetorit të vdekjes së Dianës, priceshës së Uellsit.

Familja dhe miqtë e princeshës Diana morën pjesë në shërbesën në Kapelën e Rojeve në Londër. Shërbesa për të përkujtuar princeshën u organizuan në vende të tjera në të gjithë Britaninë.

William i cili ishte 15 vjeç kur vdiq nëna e tij, princesha Diana, lexoi fragmente nga letra e Shën Palit dërguar Efesianëve.

Kryeministri, Gordon Brown mori pjesë në shërbesën për princeshën Diana e cila vdiq pas një aksidenti me veturë në Paris, para 10 vjetësh.

Mbretëresha dhe princi i Uellsit iu bashkuan 500 të ftuarve që morën pjesë në shërbesë e cila u transmetua në televizion.

Këngëtari kanadez, Bryan Adams, mori pjesë në shërbesën për princesën e cila vdiq kur ishtë 36 vjeç.

Princat Harry dhe William përshëndetën miqtë që morën pjesë në shërbesë.

Familja Spencer mbërrin në vendin ku mbahet shërbesa.

Sir Elton John dhe partneri i tij, David Furnish, të shoqëruar nga Camilla Al Fayed, motra e Dodi Al Fayed, morën pjesë në shërbesë.

Një dashamirës vendos një trëndafil në portën e pallatit Kensington, ish-shtëpia e Dianës.