Gjenerali komandoi forcat serbe në Kosovë

Z. Pavkovic akuzohet nga Gjykata e Hagës për krime lufte kundër shqiptarëve të Kosovës në vitin 1999.

Ai ishte komandant i trupave të ushtrisë gjate konflitit të viteve '98-'99 mes forcave serbe të sigurimit dhe kryengritësve shqiptarë.

Prokurorët e Gjykatës Ndërkombëtare për Krime të Luftës në Hagë thonë se forcat nën komandën e gjen. Pavkoviq kanë qenë të përfshira në fushata të përgjithshme të terrorit kundër civilëve shqiptarë.

Forcat e tij akuzohen se kanë shkaktuar deportimin e paligjshëm të rreth 800 mijë shqiptarëve nga Kosova, dhe se kanë vrarë dhe përdhunuar civilë.

Forcat e tij janë akuzuar se kanë kryer masakrën e 45 civilëve shqiptarë në fshatin e Reçakut në janar të vitit 1999.

Gjenerali Pavkoviq, që pritet të udhëtojë në Hagë të hënën, është njëri prej katër gjeneralëve që janë akuzuar lidhur me këto krime.

Dy prej tyre tashmë janë dorëzuar, ndërsa i katërti është akoma në arrati.