Pallab Ghosh Korrespondent i BBC-së për Shkencën

Shkencëtarët krahasojnë Titanin me Tokën para miliarda vjetësh

Gjatë prezantimit të analizave të para të informacioneve që mblodhi sonda Huygens, grupet e shkencëtarëve thanë se kanë gjetur edhe gjurmë të shiut në hënën më të madhe të Saturnit.

Uji është i mbledhur në formën e akullit dhe pjesa më e madhe e tij ndodhet nën sipërfaqen e Titanit.

Por një pjesë e saj, - ku mendohet se ka aktivitet vullkanik, - është duke e shtyrë akullin jashtë majave të maleve.

Fotografi të reja nga sonda Huygens sugjerojnë se shiu e shkrin akulllin nga majat duke krijuar topa dëbore me ngjyrë të errët që bihen në pllaja.

Ky proces ka krijuar kanale të dallueshme ku rrjedh rregullisht një lëng.

Shiu nuk është tërësisht ujë. Ai është në fakt një lëng i përbërë nga gazi natural metan.

Nuk dallohen shenja për oqeane të mëdha metani, nga (siç duket) fakti që sipërfaqja e Titanit e thith këtë lëng, kurse gazi avullon më vonë në atmosferë.

I mahnitshëm është fakti se sa ngjashmëri kanë disa procese me ato që ndodhin në Tokë.

Duke krahasuar të dyja botët, shkencëtarët shpresojnë të mësojnë se si ka evoluar planeti Tokë dhe si u krijua jeta në të.