Botuar: E shtunë, 20 nëntor 2004 - 08:50 CET

OKB-ja lejon klonimin për arsye shkencore

OKB-ja ka kundërshtuar një përpjekje të udhëhequr nga amerikanët për të ndaluar të gjitha klonimet e embrioneve njerëzore, përfshirë kërkimet në qelizat bazë.

Një komision i Asamblesë së Përgjithshme kundërshtoi gjithashtu alternativën e një ndalimi të pjesshëm dhe vendosi që të mbështeste një deklaratë jodetyruese të sponsorizuar nga italianët për të ndaluar përpjekjet për të krijuar jetë njerëzore nëpërmjet proceseve të klonimit dhe çdo kërkim që synon të arrijë këtë synim.

Një zëdhënës i departamentit amerikan të Shtetit tha se amerikanët ishin të kënaqur që OKB-ja nuk kishte mbështetur klonimin dhe se do të vazhdojë të bëjë fushatë për ndalim të plotë.

Shkencëtarët thonë se klonimi i qelizave bazë mund të ofrojë kurim për qindra milionë njerëz që kanë sëmundje si Alzaimeri, kanceri, diabeti dhe dëmtime të shtyllës vertebrore.