Solana tha se kishte mbetur i zhgënjyer prej serbëve të Kosovës

"Më ka lënë mbresë puna profesioniste e autoriteteve në Kosovë që ishin përgjegjëse për zhvillimin e zgjedhjeve."

Zoti Solana veçoi faktin që si zgjedhjet ashtu edhe fushata zgjedhore u zhvilluan në një atmosferë të qetë dhe paqësore.

"Kjo tregon një përparim të konsiderueshëm në drejtim të konsolidimit të demokracisë dhe zbatimit të standarteve për Kosovën," shtoi ai.

Zyrtari i lartë i BE-së tha se kishte mbetur i zhgënjyer nga pjesëmarrja mjaft e ulët e serbëve në zgjedhje.

"Vazhdoj t'i përmbahen pikëpamjes se pjesëmarrja në procesin politik është rruga më e mirë për ta (serbët) që të promovojnë preokupimet e tyre legjitime," thuhet në deklaratën e zotit Solana.

Ai theksoi se pavarësisht nga kjo, çështja e sigurisë dhe të drejtave të pakicave si edhe kthimi i të shpërngulurve do të vazhdojnë të jenë prioritetet e institucioneve të përkohshme dhe komunitetit ndërkombëtar në Kosovë.”