Italia do të frenojë numrin e emigrantëve nga Afrika Veriore

Ministri i Brendshëm italian, Giuseppe Pisanu, konfirmoi se Italia po i injoron kritikat nga disa vende anëtare - përfshirë Francën dhe Spanjën - lidhur me politikën e saj të emigracionit.

Ka pasur debate lidhur me deportimet e fundit të Italisë për në Libi të mijëra emigrantëve ilegalë - kryesisht egjiptianë - sapo ata mbërritën në ishullin italian të Lampeduzas.

Këto deklarata të tij bëhen para takimit në Romë midis kancelarit gjerman, Gerhard Schroeder dhe kryeministrit italian, Silvio Berluskoni.

Zoti Pisanu u tha gazetarëve se Italia besonte se vendosja e pikave të reja të kontrollit në Afrikën veriore do të jetë një element i rëndësishëm për të vënë në kontroll emigracionin për në BE.

Ai tha se Evropa kishte nevojë për emigrantë të rinj për të zëvendësuar forcën e saj punëtore në zvogëlim.

Disa qeveri të BE-së dhe grupe të të drejtave të njeriut pretendojnë se qendrat e reja të pranimit të propozuara kohët e fundit do t'u përngjajnë kampeve të përqëndrimit në shkretëtirën e Afrikës.