Oana Lungjesku Korrespondente e BBC-së në Bruksel

BBC ka e parë dokumentin konfidencial, i cili pritet të diskutohet plotësisht në një takim të muajit të ardhshëm në Maastricht në fillim të shtatorit.

Siç njofton korrespondetja e BBC-së në Brukseli ky dokument bën thirrje për të ngritur rolin e Bashkimit Europian në Kosovë por nuk merret me statusin e ardhshëm të Kosovës.

Nisma e parë e të ashtuquajturit partneritet rajonal që përfshin anëtarët e BE-së: Austrinë, Poloninë, Sloveninë, Republikën Çeke, Sllovakinë dhe Hungarinë ka për qëllim avanacimin e procesit të zbatimit të standardeve demokratike në Kosovë.

Dokumenti fillon duke thënë se rezultatet e arritura sa i përket zbatimit të standardeve demokratike janë të pakënaqshme ndërsa po ofrohet vlerësimi i parë i përgjithshëm i këtij procesi në mes të vitit të ardhshëm.

Nëqoftëse ky vlerësim dëshmohet i kënaqshëm, Kombet e Bashkuara në bashkëpunim me Bashkimin Europian kanë sugjeruar se mund të fillojë debati rreth statusit final të Kosovës.

Shqiptarët e Kosovës thonë se paqartësia rreth statusit politik të Kosovës vetëm që do të mund të nxisë edhe më shumë dhunën etnike, siç ndodhi në Mars të këtij viti kur rreth 20 vetë vdiqën.

Dokumenti rajonal thekson megjithatë se Bashkimi Europian duhet të përdorë termin statusi i ardhshëm në vend të atij final.

Dokumenti në fjalë, sipas analizës së Oana Lungjeskut të BBC-së e bën të qartë se vazhdimi i përpjekjeve për të vendosur bashkësinë ndërkombëtare në një situatë "fait accompli" (fakt i kryer) nuk është i pranueshëm.

Dokumenti për partneritet rajonal radhit në listë një sërë propozimesh konkrete për të çuar përpara situatën.

Siguria e serbëve të Kosovës dhe minoriteteve të tjera duhet të përmirësohet konsiderueshëm - thotë dokumenti.

Ai i bën thirrje Natos që të heq dorë nga ideja e zvogëlimit të trupave "për një kohë të gjatë".

Gjashtë vendet gjithashtu sugjerojnë që BE të konsiderojë misionin e trajnimeve të policisë në Kosovë, të ngjajshme me ato që kanë në Bosnjë.

Eventualisht, funksionet e sigurisë do ti transferohen gradualisht autoriteteve lokale.

Por dokumenti thotë se përbërja etnike e forcave lokale të sigurisë duhet të reflekton përbërjen etnike të popullatës.

Ai gjithashtu merret me çështjen e rritjes së kriminalitetit si dhe strukturave kriminale të organizuara.

Vemendje e posaçme duhet të perqëndrohet në zhvillimin, trajnimin dhe monitorimin e medias lokale , e cila sipas ketij dokumenti, ka "thelluar urrejtjen dhe mos-tolerancën ndër-etnike.

Dokumenti propozon që ndërsa 2005 ofrohet, pushtete të reja ti transferohen autoriteteve lokale në fushën e ekonomisë, sigurisë dhe drejtësisë, nëqoftëse ato dëshmojnë përparime në të drjetat e njeriut dhe angazhimin e vërtetë për një Kosovë shumë-kombëshe.

Duke përforcuar institucionet lokale, dokumenti thotë se do të ndihmojë edhe dhënjen fund të bojkotit të strukturave të pushtetit dhe zgjedhjeve parlamentare të shtatorit të ardhshëm nga ana e serbve të Kosovës.

Së fundi, dokumenti në fjalë sugjeron që BE të shqyrtoj emërimin e një përfaqësuesi të përbashkët me OKB-në, të bazuar në modelin e Bosnjës.

Ai këmbëngulë që si Kosova ashtu edhe Sërbia duhet të ndihmohen në integrimin Europian, të lidhur ngushtë me zbatimin e standardeve europiane.

Të gjitha këto propozime janë përshkruar nga ministrja e jashtme e Austrisë si ide që meritojnë të shqyrtohen.

Mbetet të shihet nëse ato do të kenë mbështetjen e Bashkimit Europian pas diskutimeve në shtator të këtij viti.

Megjithatë ky dokument tregon për një shqetësim gjithnjë tek vendit e rajonit se bashkësia ndërkombëtare do të harrojë Ballkanin.

Gjithashtu, dokumenti përbën një paralajmërim për shqiptarët e Kosovës se nuk guxojne t'a konsiderojnë si fakt të kryer pavarësinë në vitin 2005, përfundon Oana Lungjesku, korrespondente e BBC-së në Bruksel.