CIA u kritikua ashpër nga raporti për dështim të punës së saj

Ai u shpreh kështu pas botimit të një raporti tepër kritik të senatit, raport që akuzon agjencitë e fshehta se kanë mbitheksuar mundësinë e Irakut për të patur armë të shkatërrimit në masë para pushtimit vitin e kaluar.

Presidenti amerikan tha se donte të shihte se si të përmirësonte më shumë punën e agjencive të fshehta në të ardhmen.

Por një zëdhënës i Shtëpisë së Bardhë gjithashtu bëri thirrje t'i jepej fund bërjes me gisht gjithmonë të vendimit për të shkuar në luftë në Irak.

Raporti nga komiteti i shërbimeve sekrete të senatit, megjithatë jep një pamje shkatërruese të CIA-s. Ai thotë se ajo është drejtuar keq dhe ka dështuar në detyrën e saj kryesore.

CIA ka mbitheksuar gjetjet e saj dhe përfundimet themelore ishin të gabuara. Rivali demokrat i presidentie Bush, John Kerry tha se duke i vënë fajin CIA-s, i jepte mundësi Shtëpisë së Bardhë të shmangte përgjegjësinë për gabimet e veta.

Gjithashtu tepër ngacmues për demokratët është koha kur del pjesa e dytë e raportit. Ajo do të analizojë nëse politikanët manipuluan informacionet sekrete. Por përfundimet do të dalin pas zgjedhjeve presidenciale të nëntorit.