Fuqia bërthamore mund të përdoret më shumë për energji elektrike

Fuqia bërthamore tashmë siguron 1/6 e energjisë elektrike në botë. Agjencia ndërkombëtare e energjisë bërthamore beson se kjo do të rritet pas shqetësimeve për përdorim të karburanteve dhe ngrohjes globale.

Mekanizma si Protokolli i Kijotos mundet që në të ardhmen të penalizojnë prodhimin e dioksidit të karbonit dhe t'i japin inkurajim fuqisë bërthamore.

Nëse ndodh kjo gjë, Agjencia ndërkombëtare e energjisë bërthamore parashikon se reaktorët bërthamorë do të sigurojnë çerekun e nevojave të botës në vitin 2030 me zgjerim të mëtejshëm në dekadat e ardhshme.

Shumica e reaktorëve të rinj po ndërtohen në Azi. Agjencia ndërkombëtare e energjisë bërthamore thotë se ndërtimi i tyre pothuajse ka ndaluar në Amerikën veriore dhe Evropën perëndimore si rezultat i shqetësimeve për mjedisin, aksidenteve të tilla si Çernobili dhe avantazheve ekonomike të gazit natyror.

Por disa vendeve, në fund të fundit, do i përfundojnë furnizimet me gaz në dekadat e ardhshme dhe disa degë të lëvizjes për mbrojtje të mjedisit tashmë po flasin për fuqi bërthamore për të shmangur pasojat më të dëmshme të ngrohjes globale .