BBC Albanian
BBCi Home Page BBC World News BBC Sport BBC World Service BBC Weather BBC A-Z
Faqja kryesore
Rajoni
Shtypi evropian
Analiza
Forum
AUDIO
Frekuencat
Programi i rradhës
SHËRBIMET
Për ne
Na kontaktoni
Ndihmë
GJUHËT
BBC Serbian
BBC Croatian
BBC Macedonian
BBC Greek
BBC Bulgarian
 
Botuar: E shtunë, 13 mars 2004 - 14:39 CET
 
Kreu i Komitetit Olimpik në Athinë
 
Hartë
 
Të gjithë të intere4suar për mbarëvatjen e Lojërave Olimpike Ndërkombëtare
 
Kryetari i Komitetit Olimpik Ndërkombëtare, Jacques Rogge, e ka cilësuar si tepër pozitiv e produktiv takimin që zhvilloi të shtunën paradite me kryeministrin e Greqisë, Kostas karamanlis.

Zoti Rogge që erdhi në Athinë enkas për këtë takim, u tha më pas gazetarëve se Komiteti Olimpiak Ndërkombëtar ka mirëpritur vendimin e zotit Karamanlis që të udhëheqë personalisht përgatitjet për Lojërat Olimpike që fillojnë këtu në mesin e muajit gusht.

Sipas tij marrja përsipër nga ana e zotit Karamanlis e drejtimit të Ministrisë së Kulturës, dëshmon për rëndësinë që i jepet organizimit të Lojërave dhe zhvillimit me sukses të tyre.

Ndërkaq, kryetarja e Komitetit Organizator, zonja Jana Angelopulou, gjithashtu pjesëmarrëse në takim, la të kuptohet se tema qendrore e bisedës kishte të bënte me sigurinë e Lojërave Olimpike, që tashmë shihen në një fokus të ri, pas sulmit terrorist të së enjtes në Madrid.

"Siguria e Lojërave përbën prioritetin tonë kryesor," tha zonja Angelopulou, duke shtuar se autoritet i kanë parashikuar rreziqet eventuale dhe po përgatiten për përballimin e tyre, në bashkëpunim me Komitetin Olimpik Ndërkombëtar, por edhe me partnerët e huaj.

Komiteti Olimpik Ndërkombëtar (KON) ka mirëpritur edhe vendimin e Athinës që të kërkojë ndihmën e NATO-s për garantimin e sigurisë së Olimpiadës.

Sipas zëdhënësit të Ministrisë së Jashtme, ky kontribut kërkohet në patrullimet ajrore, në mbikqyrjen e hapësirës detare si dhe në përballimin e sulmeve të mundshme kimike, biologjike dhe radioaktive.

Ndërkaq, në takimin e kreut të KON-it me kryeministrin grek është diskutuar gjatë edhe për vonesat e vërejtura në përgatitjet për Lojërat, teksa tashmë kanë mbetur më pak se 200 ditë nga fillimi i Olimpiadës.

Pas takimit, zëdhënësi i qeverisë greke pranoi se koha që kanë organizatorët në dispozicion është shumë e kufizuar, por shtoi se do të bëhet ç'është e mundujr me qëllim që të kapen afatet.

Kryetari i Komitetit Olimpik Ndërkombëtar do të vijë përsëri në Athinë, pas dy javësh, me rastin e ceremonisë së ndezjes së Flakës Olimpiake.

Atëherë, siç u ra dakord ndërmjet të dy palëve, do të merren dhe vendimet përfundimtare.

Lajme të tjera:
Socialistët fitojnë në zgjedhjet spanjolle
Putin konfirmon fitoren në zgjedhje
Planet i ri në sistemin tonë diellor
Zgjedhjet e përgjithshme në Kosovë më 23 tetor
Kina njeh të drejtën e pronës private
Situatë e tensionuar në Gjeorgji
Pas sukses operacioni kundër Karaxhiçit
Gjenerali Myers vlerëson situatën në Haiti
Kurdët protestojnë për viktimat në Siri
Kreu i Komitetit Olimpik në Athinë

BBC Albanian
 
albanian@bbc.co.uk
 
 
 
BBC Copyright   ^^ Kthehu në krye Lajme në 43 gjuhë >
 
Faqja kryesore | Rajoni | Shtypi evropian
Analiza | Diskutim | Frekuencat
 
Për ne | Na kontaktoni | Ndihmë | Deklarata mbi të dhënat private
 
 
© BBC Albanian, Bush House, Strand, London WC2B 4PH, UK