Akademia Mbretërore e Arteve do të prezantojë ekspozitën e parë në 30 vjet, që pasqyron skulpturën britanike të shekullit 20-të. Ndër veprat kryesore në këtë ekspozitë është Figura e shtrirë nga Henry Moore (1951).

Vepra zona e transferueshme e pirjes së duhanit nga Sarah Lucas (1966) do të jetë pjesë e një numri kundërvënjesh që i vënë shikuesit në provë "për të bërë lidhje të reja dhe për tu shkëputur nga formati i koncepteve të vjetra".

Veprat e përzgjedhura do të hedhin dritë edhe mbi opsionet me të cilat ballafaqohet skulptori, duke përfshirë edhe zgjedhjen midis figurës dhe abstraksionit. Vepra e Damien Hirst, Le të hamë jashtë sot (1990-1991), pasqyron një kokë lope, miza dhe krimba.

Ekspozita synon të nxjerrë në pah mënyrën se si lidhjet e Britanisë me perandorinë, Evropën kontinentale dhe Shtetet e Bashkuara kanë ndihmuar në formësimin e artit.

Vepra Pelagos e Barbara Hepworth (1946) simbolizon shfaqjen e skulpturës Britanike si një markë në skenën ndërkombëtare në epokën e pasluftës.

Ajo gjithashtu do të tregojë rolin e rëndësishëm që ka luajtur Akademia Mbretërore e Arteve në formësimin e skulpturës moderne britanike dhe do të ketë skulptura nga tre presidentët e saj të mëparshëm, përfshirë veprën Genghis Khan nga Phillip King's (1963).

Ekspozita, e cila përmban edhe veprën Udha e Gëlqertë nga Richard Long (1984) që është bërë me gurë gëlqerorë, do të hapet për publikun më 22 janar dhe do të vazhdojë deri më 7 prill.