Mijëra njerëz vazhdojnë të largohen nga qyteti australian Brisbane, ndërsa përmbytjet vrasëse - që kanë përfshirë shtetin verilindor australian Queensland - kanë arritur tani në qytetin e tretë më të madh të vendit.

Rreth 20,000 shtëpi në qytetin me rreth dy milion banorë pritet të përmbyten deri të enjten kur niveli i lumit pritet të arrijë pikun, thonë zyrtarët.

Varka dhe platforma ankorimi u shkëputën nga lumi i rrëmbyer Brisbane që i ka kapërcyer brigjet tashmë edhe në qytetet Yeerongpilly dhe Indooroopilly.

Mijëra banorë të qytetit kanë marrë strehë në qendra të veçanta evakuimi në qendër të qytetit Brisbane. Qyteti duket si fantazmë për shkak të ndërprerjes së energjisë elektrike.

Pranë Brisbane, edhe qyteti Ipswich po përfshihet nga ujrat. Një qytetar po shpëton një kangur.

Përmbytjet në Queensland - që përshkruhen si më të rëndat në shumë dekada - kanë shkaktuar vdekjen e 12 vetëve ndërsa dhjetra të tjerë janë të humbur.

Ekipet e shpëtimit e kanë të vështirë të përballojnë volumin e madh të thirrjeve për ndihmë. Një burrë po përpiqet të mbahet pas një peme ndërsa ndihma po vjen.

Guvernatorja e shtetit Anna Bligh i quajti përmbytjet si "orën më të keqe". Shirat kanë filluar që në fund të nëntorit.