BBCAlbanian.com
 
Botuar: E enjte, 09 dhjetor 2010 - 16:26 CET
 
Dërgoja një miku   Version i printueshëm
Përballja me përmbytjet në zonën e Shkodrës
 

Forcat e ushtrisë evakuojnë banorët e përmbytur në Obot. Rreth 14 200 banorë të zonave të përmbytura janë evakuuar deri tani.

Kryeministri shqiptar Sali Berisha tha se rreth 40 përqind e qytetit të Shkodrës është përmbytur nga ujrat. Rruga është përmbytur plotësisht në hyrje të lagjes “Perash”.

Lagja Xhabije, në hyrje të qytetit të Shkodrës, ka tetë ditë që ndodhet e përmbytur nga ujërat e Liqenit dhe të lumit Buna.

Vetëm mjetet e larta të ushtrisë mund të lëvizin në lagjet e përmbytura të qytetit. Autoritetet vendore thonë se kanë shpërndarë ushqime për rreth 370 familje.

Përmbytjet i kanë detyruar banorët të mbyllin bizneset, të braktisin shtëpitë, apo automjetet e bllokuara nga uji. Në disa vende uji ka arritur deri në një metër thellësi.

Ura e Boriçit, në segmentin e bllokuar rrugor Shkodër-Muriqan. Bashkia thotë se ka angazhuar 34 varka për transportin e njerëzve, por ka edhe shumë mjete private.

Komunikimi në zonat e përmbytura është vështirësuar shumë. Disa aventurierë çajnë në këmbë ujrat në Shkodër.


 
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>