Marion Cotillard dhe Leonardo DiCaprio marrin pjesë në premierën e filmit të tyre të ri Zanafilla, në Mbretërinë e Bashkuar. Ky është një film fantastiko-shkencor që flet për një hajdut (DiCaprio), i cili vjedh ëndrrat dhe idetë e njerëzve, kur ata janë në gjumë.

Fitues i çmimit Golden Globe, DiCaprio, 35 vjeç, luan rolin e Dom Cobb - një vjedhës ëndrrash. Ai këmbëngul se nuk i ka plotësuar ende ambicjet e tij në kinematografi: "Unë ende kam shumë për të provuar për veten. Kam ende shumë karaktere që dua të luaj."

Aktorja e filmit Juno, Ellen Page, luan rolin e arkitektes, Ariadne. Ajo është përgjegjëse për të ndërtuar botë ëndrrash dhe thotë se ishte kënaqësi që punoi me DiCaprio-n: "Ai është absolutisht i mrekullueshëm. Kam shumë respekt për të."

Filmi ndjek jetën e Leonardo DiCaprio-s kur i jepet një punë e fundit. Por në vend të vjedhjes së ëndrrave të njerëzve, atij i jepet mundësia për të larë mëkatet duke ngulur një ide në kokën e dikujt.

Aktori i filmit Batman, Cillian Murphy, 34 vjeç, luan rolin e Robert Fisher, i Riu. Ai është një trashëgimtar dhe objektivi i fundit i Dom Cobb-it.

Aktori, Michael Caine, fitues i disa çmimeve Oskar, luan në film rolin e vjerrit të DiCaprio-s, Miles, si dhe të konsulentit dhe mësuesit të tij. Ai tha: “DiCaprio është shumë simpatik, por ai nuk e përdor këtë për të fituar pikë, ai mbështetet në aftësitë e tij si aktor."

Adhuruesit e Leonardo DiCaprio-s kaluan orë të tëra në Leicester Square, në Londër, në pritje të aktorit të Titanikut. Një adhuruesi i ra të fikët në afërsi të qilimit të kuq dhe turmës ju shpërndanë shishe me ujë.

Këngëtarja, Pixie Lott, 19 vjeç, ishte një nga yjet britanike që dolën për të shfrytëzuar rastin për të takuar Leonardo DiCaprio dhe pjesën tjetër të artistëve të filmit Zanafilla. Atje ndodhej edhe Drejtori i filmit Sherlock Holmes, Guy Ritchie.

Peaches Geldof, 21 vjeç, ishte gjithashtu atje. Regjizori i filmit Christopher Nolan, i cili pati regjinë e filmave “Batman Begins” dhe “The Dark Knight”. Ai tha: "Unë e shoh filmin para së gjithash si një udhëtim emocional në shkallë të gjerë."