BBCAlbanian.com
 
Botuar: E martë, 10 nëntor 2009 - 14:53 CET
 
Dërgoja një miku   Version i printueshëm
20 vjetori i rënies së Murit të Berlinit
 

Dhjetra mijëra vetë u mblodhën në Portën e Brandenburgut pavarësisht nga shiu, për të festuar 20 vjetorin e rënies së Murit të Berlinit.

Udhëheqës nga shumë vende të botës së bashku me Kancelaren gjermane Angela Merkel përshkuan portën historike.

Ish presidenti polak Lech Walesa rrëzoi dominonë e parë nga 1000 domino të vendosura në vendin ku dikur ngrihej Muri i Berlinit. Rënia e dominove simbolizoi reaksionin zinxhir që 20 vjet në parë rrëzoi komunizmin në mbarë Evropën.

Dominotë e pikturuara me grafite, u rrëzuan në një gjatësi prej 1,5 kilometrash përgjatë vendit ku më parë ngrihej Muri i Berlinit.

Pavarësisht nga moti i keq, fishekzjarrë spektakolarë ndriçuan qiellin e Berlinit, duke rikujtuar atmosferën festive që përfshiu qytetin në vitin 1989.

Në ceremoninë që u zhvillua tek Porta e Brandenburgut, e cila ndante dikur Berlinin Lindor me atë Perëndimor, morri pjesë edhe Sekretarja Amerikane e Shtetit, Hillary Clinton.

Të rinj dhe të moshuar festuan ngjarjen historike, që i dha fund 28 viteve të ndarjes së Gjermanisë Lindore dhe asaj Perëndimore.

Festime pati edhe në qytete të tjera europiane - Rrëzimi imagjinar i Murit në kryeqytetin e Bullgarisë, Sofje.

Toni ishte më paqësor në qytetin jugperëndimor të Francës, Bordeaux, por jo më pak frymëzues.

Në Romë, një instalim në Shkallët e famshme spanjolle në Sheshin e Spanjës në përkujtim të rrënies së Murit të Berlinit.

Në Londër Murit iu dha një trajtim i ftohtë. Ai u rikrijua me anë të blloqeve të akullit para ambasadës së Gjermanisë.


 
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>