Autoritetet në Angli kanë konfirmuar se objektet e arta të periudhës Anglo-Saksone të gjetura kohët e fundit janë thesar - çfarë do të thotë se personi që e gjeti atë ka gjasa të bëhet i pasur. (Në foto: Pjesë të një shpate të artë me zbukurime)

Thesari u gjet në Staffordshire nga 55-vjeçari Terry Herbert në Korrik. Arkeologët më tej zbuluan 1345 artikuj, shumë prej tyre prej ari (Në foto: Pjesë e një helmete, pjatë e artë dhe një kryq)

Vendi i saktë i zbulimit është mbajtur sekret prej arkeologëve, të cilët thonë se kjo është gjetja më e rëndësishme e objekteve të historisë Anglo-Saksone që prej zbulimeve në Sutton Hoo. (Në Foto: Ornament ari me gurë, pjesë e këllëfit të një shpate.)

Zoti Herbert do ta ndajë vlerën e gjetjes me pronarin e tokës së fermës ku u bë zbulimi. Kanë mbijetuar vetëm katër helmeta si ato prej nga është marrë kjo pjesë që mbron fytyrën. Helmeta me një element të tillë vishej në betejë për të nxjerrë në pah statusin e luftëtarit.

Thesari do të bëhet zyrtarisht pronë e Mbretëreshës për të siguruar që të mos largohet nga Britania. (Në foto: Një buton i zbukuruar, ku teknika e punimit të xhamit 'milefiori' - një specialitet i hershëm Anglo-Sakson - ka krijuar një mozaik bardh-e-zi me një gur të çmuar)

Një pjesë e madhe e thesarit do të jetë e ekspozuar në një galeri në Muzeumin e Artit në Birmingham përpara se të transferohet në Muzeun Britanik në Londër. (Në foto: Fragment i një pjate prej ari. Imazhi që synohet të pasqyrohet në pjatë është ai i dy shqiponjave të ndara nga peshq.)

Arkeologët thonë se thesari ka gjasa të jetë një koleksion trofesh, por ata nuk janë në gjendje të thonë nëse ato ishin nga një betejë e vetme apo rezultat e një karjere ushtarake të gjatë e të suksesshme. (Në foto: Element i një shpate ari.)

Anglo-Saksonët e sunduan Anglinë nga shekulli i 5-të deri në pushtimin Norman në 1066. (Në foto: Unazë ari e punuar në teknikën e filigramës - e gjetur më 9 korrik.)

Disa prej objekteve kanë një punim kaq të hollë sa që ekspertët mendojnë se ato mund të kenë qenë pronë e një familjeje mbretërore Anglo-Saksone.

Disa prej pajisjeve të shpatave janë punuar me një teknikë që njihet si Stili Salin II. Ajo pasqyron figura kafshësh të ndërthurura në modele komplekse e simetrike. Objekti në foto mendohet të jetë pjesë e një kame të njohur si 'seax' që në anglishten e vjetër do të thotë 'thikë'.

Ky brez i artë ka mbikshkrimin në latinisht: "Ngrihu Zot, lusim që armiqtë e tu të shkatërrohen dhe ata që të urrejnë të zhduken nga faqja e dheut". Mbishkrimi është marrë ose nga Libri i Numrave ose nga (Vulgate) Bibla që përdorej nga Ango-Saksonët.

Zoti Herbert tha: " Ndoshta ishte shkruar që unë ta zbuloja, ndoshta ari i gjetur ka mbajtur emrin tim gjatë gjithë kohës. Nuk e di se çfarë do të thonë shokët e mi në klubin e kërkimit të metaleve. (Në foto: Togëz e artë e shekullit të 7-të, zbuluar më 6 korrik.)