Një statujë e Merlin Monros e punuar në dyll i uron një figure të Barak Obamës, në muzeun e Madame Tussauds në Londër, ditëlindjen me rastin e 48 vjetorit.

A e shikoni qenin? Ai po dremit nën një makinë të dëmtuar gjatë një aksidenti rrugor në Kalkuta të Indisë.

Qielli është mjegulluar nga copëzat e letrave shumëngjyrëshe të hedhura nga pjesëmarrësit në funeralin e ish Presidentes të Filipineve Corazon Aquino, gjatë udhëtimit pesë orësh nëpër kryeqytetin Manila.

Elefanti një muajsh i quajtur Rani, eksploron për herë të parë ambjentet jashtë vendbanimit të vet në një kopësht zoologjik në Hamburg të Gjermanisë. Ai është një ndër 12 anëtarët e një familje elefantësh që jeton në kopështin zoologjik.

Studentët bëjnë ulje-ngritje përpara një bllokade të policisë jashtë parlamentit në kryeqytetin e Indonezisë, Xhakarta.

Punonjësit e muzeumit në Singapore duke vendosur monumente të kuajve me përmasa reale në ambjentet e një ekspozite të frymëzuar nga fushë-betejat e Luftës së Parë Botërore, të artistit belg Berlinde De Bruyckere.

Blerësit duken të shumtë në këtë qendër tregëtare në Hong Kong, por të dhënat e fundit tregojnë se shitja e mallrave ka rënë për të pestin muaj radhazi.