Pavarësia e pakthyeshme thotë Biden në Kosovë

Zëvendëspresidenti amerikan, Joseph Biden, mbërrin në aeroportin e Prishtinës gjatë turneut të tij treditor në Ballkan. Ai thotë se pavarësia e Kosovës është e pakthyeshme.

Zëvendëspresidenti amerikan Biden i siguron udhëheqësit kosovarë, presidentin Fatmir Sejdiu dhe kryeministrin Hashim Thaçi, se rruga e pavarësisë së Kosovës është e pakthyeshme.

Mijëra kosovarë dolën nëpër rrugët e Prishtinës me flamuj të Kosovës dhe amerikanë për të përshëndetur ardhjen e zëvendëspresidentit amerikan Biden.

Qytetarët e Kosovës shprehin mirënjohjen për mbështetjen amerikane për pavarësinë e Kosovës.

Njërëz nga të gjitha moshat kishin dalë në rrugët e Prishtinës.

Disa përfaqësues serbë në Kosovë kanë protestuar kundër vizitës së zëvendëspresidentit amerikan në Kosovë. Ata fajësojnë SHBA-në për pavarësinë e Kosovës që e shkëputi Kosovën nga Serbia. Një parrullë murale në Beograd thotë: "Serbia është Kosovë".

Populli i Kosovës i është mirënjohës Shteteve të Bashkuara që e mbështetën në rrugën drejt pavarësisë.