Në Gort, një qytet i vogël Irlandez me rreth 3000 njerëz, grupe burrash brazilianë që kërkojnë punë të përkohëshme mblidhen çdo mëngjez në sheshin kryesor. Gjatë 5 - 6 viteve të fundit ka patur shumë lloj punësh. Por tani gjërat kanë ndryshuar.

"Unë bëj çdo lloj pune, bujqësi, pastrim, ndërtim", thotë Gaspar Arcanjo de Lima, i cili pret qetësisht në këtë dhjetor të ftohtë. "Më parë punoja tre deri në katër ditë çdo javë. Por tani nëse gjej punë vetëm një ditë është shumë". " Dërgimi i parave në shtëpi është bërë shumë i vështirë".

Kur brazilianët e parë erdhën për të punuar në një fabrikë mishi në vitin 1999, komuniteti i emigrantëve i vendosi rrënjët e tij në Gort. Raquel Samuels, shet ushqime importi në Real Brazil, dyqan në të cilin ajo është bashkëpronare. "Pa brazilianët ky qytet do të dukej si qytet fantazëm".

Simonsen Miller Silva, një brazilian i cili është pronar i shërbimit të transferimit të parave e di saktësisht se sa po i kushton komunitetit kriza financiare. "Njerëzit zakonisht dërgojnë 350 deri 650 euro për familjet e tyre në Brazil. Por tani ata nuk e bëjnë shpesh një gjë të tillë.

Shumë gra braziliane shkuan në Irlandë për të fituar paratë e nevojshme për tu dhënë fëmijëve të tyre një fillim të mirë në jetë. Por tani familjet irlandeze punësojnë më pak gra, kështu që jeta për gratë braziliane është vështirësuar.

Në flokëtoren braziliane të Gortit ka shumë pak klienta dhe shumë thashetheme. "Është e vështirë për çdo njeri", thotë 30 vjeçarja Simone Bueno Marques që punon atje.

Por jo gjithçka është e zymtë. Forcimi i euros dhe dobësimi i vlerës së Realit brazilian do të thotë që pagat në Irlandë blenë një të tretën më shumë se disa muaj më parë.

Shumë brazilianë në Gort jetojnë në shtëpi të reja. Por kjo nuk është e mjaftueshme që ti pengojë ata për tu larguar. "Unë kam jetuar i lumtur këtu", thotë Joao Luis da Silva Costa, 27 vjeç. "Por unë nuk po sigurojë para të mjaftueshme, kështuqë po kthehem në vendin tim".