Gjurmët e luftës edhe pas më shumë se 13 vjetësh ende janë prezente në Sarajevë. Një apartament në qendër të Sarajevës me shenjat e lëna nga lufta e fillim viteve 90. Nazim Rashidi i BBC-së vizitoi Sarajevën.

Një nga rrugët qendrore të Sarajevës, ku jeta duket e qetë. Perspektiva, thonë shumë njerëz nga Sarajeva, është BE-ja. Në Sarajevë njerëzit duken të jenë më me shpresë për të ardhmen. Jeta ndonëse me vështirësi ekonomike, duket dinamike, thotë Nazim Rashidi i BBC-së.

Krenaria e Sarajevës, vazhdon të jetë "Bash Carshia". Këtu gjenden prodhime artizanale tipike për Bosnjën dhe Sarajevën.

Ushqimet tradicionale janë gjithashtu prezente në Bash Carshia.

Edhe e kaluara e Sarajevës ka pësuar tronditje. Këtu është vendi i atentatit ndaj Arkidukës Franz Ferdinand, ngjarje e cila vlerësohet se filloi Luftën e Parë Botërore.

Boshnjakët janë të njohur për humorin e tyre, i cili disa herë shkon edhe në ekstrem. Kjo është 'Shtëpia e Inatit', në qendër të Sarajevës.