Senatori Demokrat, Barack Obama, zgjidhet i pari president zezak i Shteteve të Bashkuara.

Disa shtete njoftuan një pjesëmarrje shumë të lartë në votim. Ishte parashikuar që 130 milion amerikanë ose më shumë do të votonin - që do të thotë më shumë se në çdo votim që nga viti 1960.

Rivali i zotit Obama, John McCain, e pranoi humbjen duke thënë " e admiroj dhe vlerësoj shumë" zotin Obama. Ai u bëri thirrje përkrahësve të tij që të vinin në dispozicion të presidentit të ardhshëm vullnetin e tyre.

Mijra vetë shkuan në Grant Park, Çikago, ku zoti Obama zhvilloi tubimin e natës së fitores.

Obama tha: "nëse ndonjë ende e vë në dyshim se Amerika është vendi ku gjithçka është e mundur..."

…që ende nuk është i sigurt nëse ëndëra e themeluesve të këtij vendi është gjallë në kohën tonë, që ende vë në dyshim fuqinë e demokracisë sonë, nata e sotme është përgjigjia për ta."

Obama shtoi se "Rruga përpara do të jetë e gjatë. E përpjeta që duhet të ngjisim është shumë e thepisur. Por kurrë nuk kam pasur kaq shumë shpresë, se ne do të arrijmë atje ku duhet".

Zoti Obama doli përpara mijra përkrahësve së bashku me familjen e tij dhe zevendësin Joe Biden.

Banorët në Kogello, fshatin e lindjes së babait të tij, kërcyen gjatë gjithë natës.