Kanceri: Për një pamje më të qartë

Mjeksia në Britani do të përfitojë nga një investim prej 50 milion stërlinash që do të ndihmojë për të përmirësuar cilësinë e skanimit të kancerit. Investimi do të përdoret në teknika të tilla si tomosinteza (në të djathtë) e cila realizon pamje 3 dimensionale, në të cilat kanceri i gjirit mund të konstatohet më lehtë se me teknikat më të vjetra si ajo e radiografisë (në të majtë).

Fondet e siguruara nga organizata kërkimore Cancer Research UK dhe të tjerë do të ndihmojnë për të financuar skanimin me anë të Rezonancës Magnetike (MRI), që u mundëson mjekëve të shikojnë indet e buta në trup, të përcaktojnë vendndodhjen e tumoreve të trurit (majtas) si edhe qarkullimin e gjakut në tru.

Në këtë fotografi, pamjet e marra me teknikën më të avancuar të Rezonancës Magnetike ("përpara" dhe "pas") në të djathtë tregojnë një ndryshim të qartë pas mjekimit (njolla më të errta në fund) në krahasim me skanimet me Rezonancë Magnetike standarde në të majtë.

Tumoret e treguara në pamjen djathtas lart tregohen se po neutralizohen nga njollat e errëta në pamjen majtas të realizuar me teknikën e tomografisë me emetim pozitronesh (PET). Ndërkaq nuk ka njolla të errta në pamjen (e realizuar me teknikën PET) majtas poshtë, që tregon se mjekimi nuk po jep rezultat.

Teknika e Rezonancës Magnetike Funksionale mund të përdoret për të matur aktivitetin e trurit. Këto pamje tregojnë aktivitetin në pjesë të trurit që korespondon me lëvizjen e pjesëve të ndryshme të trupit tek një pacient me tumor në tru.