"Londinezët e rinj: refleksione për shtëpinë dhe familjen" është një koleksion fotografish dhe shkrimesh nga londinezë të rinj, të cilët kanë qenë nën mbikqyrjen e disa prej fotografëve më të njohur të Londrës. Të rinjtë, nga 13 deri në 23 vjeç, janë nga vende të ndryshme dhe kanë përvoja dhe formime të ndryshme.

Bajrami, 22 vjeç, është shqiptar nga Kosova i cili ka marrë shtetësinë britanike: " Unë jetova me një familje indiane dhe nuk kisha parë ndonjëherë njerez që hanin me duar. Por me kalimin e kohës u njoha me këto kultura dhe i respektoj ato", shpjegon ai.

Mazee, 17 vjeç, është nga Republika Demokratike e Kongos dhe erdhi në Londër në vitin 2006. " Këtu unë ndjehem si një hije, ndërkohë që trupin e kam në vendin tim. Shprehja në duart e mia tregon se si ndjehem - i frikësuar, jashtë vetes dhe realisht i paqartë se çfarë mund të më ndodhë në këtë vend."

Shamin, 18 vjeç, nga Uganda, u befasua tek gjeti shumë kultura që jetonin së bashku në Angli dhe donte t'i fotografone ato. Por, thotë ajo: "Nuk doja thjesht të fotografoja njerëzit e tjerë, kështu që fillova t'i përjetoja ato vetë. Më pëlqen të luaj role dhe të vishem bukur, kështu që fillova të imagjionoj se çfarë do të bënin njerëz të ndryshëm dhe çfarë pamje do të kishin".

Lawrence erdhi në Britani nga Nigeria në vitin 1998. Ai u diplomua në Inxhineri Aeronautike dhe tani po studjon për tu bërë infermier në fushën e shëndetit mendor. Ai është krenar për arritjet dhe tregon se kjo fotografi i pëlqen më shumë.

Loria, 17 vjeç, është nga Republika Demokratike e Kongos dhe jeton në Britani që nga viti 2005. Ajo ëndëron që të jetë përsëri pranë familjes së saj. "Pjestarët e familjes sime - edhe pse nuk e di se ku ndodhen - janë njerëzit më të rëndësishëm të jetës time. Falë atyre unë jam ajo që jam tani."

Al-Mousaoy, 18 vjeç, erdhi nga Bagdadi në Londër në 2006. "Shokët e mij në Irak do të habiteshin po tu thoshja që unë e mora këtë fotografi në Londër. Ata nuk do ta besonin që disa londinezë jetojnë në shtëpi të tilla. Është njesoj si në Irak, teli i tharjes së rrobave, një derë e pa lyer. E vetmja gjë që duket sikur nuk është në vendin e vet janë dritaret; ato duken të reja", thotë Al-Mousaoy.