Dita e të Moshuarve 2008 në Britani organizohet për të shënuar kontributin që japin të moshuarit dhe familjet e tyre. Një ekspozitë fotografike kombëtare është hapur në Londër ku pasqyrohet një grup të moshuarish energjikë dhe të pasionuar. Foto: Vas Burton nga Georgina Mason

Në moshën 91 vjeçare, Topsy Clinch, është një anëtare aktive e grupit për mbrojtjen nga përmbytjet, Pikering. Ajo pranoi për të pozuar për këtë fotografi që ilustron pasojat shkatërrimtare që mund të shkaktojnë përmbytjet. Foto: The Press, York

"Kjo fotografi e David dhe Gloria Bowles, nga Shepton Mallett në Somerset, pasqyron qëndrimin e tyre jo konvencional ndaj të qenit të moshuar. Ata u takuan në Shkollën e Arteve Camberwell në vitet 60 dhe që prej asaj kohe nuk kanë pushuar së qeni krijues dhe aktivë." Foto: Geraint Davies

"Ish-balerina e trupës së mirënjohur Rambert, Anne Dickie, zhvillon rregullisht seanca për të moshuar. Doja të ilustroja energjinë, entuziazmin dhe besimin e madh që tregon kjo studente." Foto: Rachel Cherry

"Pas një stazhi të gjatë si punonjëse sociale, nëpërmjet një burse nga fondacioni Winston Churchill, Jean Stogdon mundi të shkonte në SHBA për të studiuar për rolin e gjyshërve dhe gjysheve në kujdesin ndaj të afërmve. Pas kësaj në vitin 2001, Jean themeloi shoqatën bamirëse Grandparents Plus." Foto: Laura Woods

Mary Goble me mbesën e saj Ella, 8 vjeç. "Ato kanë një marrëdhënie shumë të posaçme. Doja të pasqyroja se sa e mrekullueshme është në jetë të kesh dashurinë, mbështetjen dhe durimin e pashtershëm të një personi të moshuar." Foto: Annie Armitage