Afrika në fotografi - shikim nga dritarja

Kompozimi i Caroline Vallieres, që tregon fëmijë të lumtur në Ugandën e veriut tek shikojnë nga dritaret e një kasolleje, shënon fillimin e serialit me temë "Nga dritarja". Fotot u dërguan nga lexuesit e faqes së internetit të BBC-së në Afrikë.

Kjo fotografi nga Tom Kennard, siç thotë ai, "Ndoshta është dritarja më e famshme në Afrikë - dritarja e qelisë së Nelson Mandelas në burgun në ishullin Robben."

Këtu dy djem të vegjël shihen tek luajnë me goma të vjetra, nëpërmjet një dritare të thyer. Hunter Nielson e mori këtë fotografi kur punonte në Kenia, në lagjen Kibera të Nairobit.

Kimuli Magambo e mori këtë fotografi të këtij Babuni të pandrojtur që ka hipur mbi makinën e tij kur ai po vizitonte parkun kombëtar Queen Elizabeth në Uganda.

Spencer Millsap e mori këtë fotografi nga dritarja e hotelit ku po qendronte në Cederburg, në Afrikën e jugut.

Elissa Butler e mori këtë fotografi të Nilit të Bardhë, që gjarpëron nëpër Uganda, tek fluturonte mbi re në qiellin e Afrikës.

Një tjetër fotografi udhëtimi... këtë herë nga Virginia Lepp, e cila e mori atë tek po udhëtonte mbi një urë në Tanzani.

Dhe së fundi, kjo fotografi nga Aarti Dodhia, e lumit Ewaso Nyiro në Kenia, siç shihet nga dritarja dhe pasqyra e makinës.