Një kërcimtar i trupës franceze Compagnie 111 duke bërë prova për një shfaqje gjatë Javës së Kërcimit në Sofje të Bullgarisë.

Një aktor që imiton ish presidentin e SHBA Abraham Lincoln, prezanton një model të ri të monedhës një cent.

Një telefon gjigand me ngjyrë të gjelbër është varur nga nje vinç në zonën financiare të Londrës për të ndihmuar në popullarizimin e veprimtarisë së një organizate bamirëse për mbrojtjen e fëmijëve në Britani.

Presidenti i Afrikës së Jugut që po largohet nga posti, Thabo Mbeki, përshëndetet nga dashamirës pas dhënjes së dorëheqjes.

Një djalë mysliman e vendos Kuranin mbi kokë ndërsa reciton një lutje gjatë një ceremonie fetare në një xhami në qytetin e shenjtë Karbala, në Irak.

Anëtarë të Urdhërit Druid në Londër festojnë Ekuinoksin e Vjeshtës, kur dita dhe nata kanë të njëjtën kohëzgjatje.

Një fëmijë në Kinë mjekohet në spital pasi u sëmur prej qumështit pluhur të kontaminuar me kimikate industriale. Katër fëmijë kanë vdekur dhe rreth 13 000 janë ende në spitale.

Një japoneze e moshuar pret të kalojë rrugën në Tokio.