Qindra mijëra vetë janë larguar nga disa qytete në brigjet jugore të Shteteve të Bashkuara ndërsa një nga stuhitë më të fuqishme të stinës, Uragani Gustav, godet zonën.

Banorët e qytetit Nju Orleans janë larguar në masë për t'iu shmangur stuhisë.

Kryetari i Bashkisë së Nju Orleans-it, Ray Nagin, dha urdhër për një evakuim të detyruar të qytetit, duke e cilësuar Uraganin Gustav si "stuhia e shekullit". Ai tha se nëse banorët nuk do të largoheshin, ata do të mbeteshin vetëm e pa ndihmë.

Në autostradën ndërshtetërore 10, u ndryshua rrjedha e trafikut duke i lejuar automjetet që t'i përdornin të gjitha korsitë për t'u larguar nga Nju Orleans.

Autoritetet kanë siguruar transport për të gjithë ata që nuk kanë mjete për tu larguar nga shtëpitë e tyre.

Evakuimi kryhet ndërsa Nju Orleans përkujton tre vjetorin e shkartërrimeve të shkaktuara nga Uragani Katrina, që u morri jetën qindra njerëzve dhe shkaktoi dëme me një vlerë 80 miliardë dollarë.

Stadiumi i restauruar, Louisiana Superdome, që simbolizonte atë që pësoi Nju Orleans nga Uragani Katrina, këtë herë u bllokua për të mos i lejuar njerëzit të strehoeshin atje.