Mundja e lirë për femra në Meksikë

Lucha Libre ose "mundja e lirë" është një nga sportet më popullore në Meksikë. Yjet e këtij sporti mund të fitojnë shumë, por është kryesisht sport meshkujsh. Dulce Garcia, është një prej mundëseve femra që kërkon të bëhet profesioniste.

Ashtu si edhe për meshkujt, një pjesë e qënësishme e mundjes së lirë për femra, përbëhet nga maskat tradicionale. Maskat dhe kostumet egzotike janë pjesë e spektaklit, ndërkohë që vet mundja përfshin kërcime, shkelmime dhe rënie që mund të shkaktojnë thyerje kockash. Sipas rregullave të lojës protagonistja që mundet e humbet maskën.

Jeta për femrat mundëse është e vështirë. Të gjithë trajnerët janë meshkuj të cilët presin që femrat të luftojnë njësoj si yjet meshkuj të sportit. "Shpesh sportistet nuk kanë shumë kohë për jetë familjare apo marrëdhënie shoqërore", thotë Francisco Cellis, i AAA-së, njërës prej agjensive më të mëdha promovuese.

Dulce Garcia thotë se ëndëron për sukses në ring. "Motra ime më e madhe ka tre fëmijë ... por unë nuk mund ta imagjinoj një mënyrë jetese si të asaj", thotë ajo.

Në këtë raund do të ndeshen Dark Angel, Luna Magica dhe Goddess kundër Amapola. Tre të parat janë mundëse që ndeshen sipas rregullave, ose vajzat e mira. Kundërshtaret e tyre janë ato që njihen si të pasjellëshmet, të cilat i shkelin rregullat.

Guadalupe Olvera debutoi në ring për herë të parë në vitin 1997 me emrin Amapola (Lulekuqe). Ajo thotë se Lulekuqja e bukur dhe enigmatike pasqyron karakterin e saj.

Sporti i mundjes së lirë krijon momente dramatike. Ndër aktivitetet më të zakonshme janë kërcimet akrobatike, hedhjet e guximshme dhe goditjet maramendëse. Para dy vjetësh Amapola humbi maskën e saj në një ndeshje me mundësen kanadeze Dark Angel (djathtas). Rivaliteti i tyre ende vazhdon.

Mundëset femra kanë vështirësi për të fituar jetesën dhe për tu bërë të famëshme. Por ato thonë se nuk do të heqin dorë nga përpjekjet. Ne shpresojmë se koha jonë do të vijë. "Çfarëdo që të ndodhë mundja e lirë është jeta ime", thotë La Medusa.