Arrestohet Radovan Karaxhiq

Kur u arrestua i dyshuari për krime lufte Radovan Karaxhiq punonte në një klinikë mjekësore në Beograd, me emrin Dragan Dabiq, dhe mbante një mjekër të gjatë e të thinjur, tha një zyrtar serb.

Turma njerëzish u mblodhën në rrugët e kryeqytetit të Bosnjes, Sarajevë, për të festuar arrestimin e ish - udhëheqësit serb të Bosnjës, i cili kishte qëndruar i fshehur për më shumë se një dekadë.

Lajmi se Radovan Karaxhiq ishte arrestuar u bë i ditur në kryeqytetin serb, Beograd, të hënën në mbrëmje.

Vëllai i tij Lluka Karaxhiq (majtas) dhe avokati i tij Svetozar Vujaçiq, u panë përpara gjykatës së posaçme në kryeqytetin serb.

Oficerë të policisë serbe arrestuan një numër përkrahësish të Karaxhiqit jashtë gjykatës së posaçme në Beograd.

Lajmi i arrestimit pushtoi të gjitha faqet e para të gazetave serbe.

Radovan Karaxhiq ishte udhëheqësi i serbëve të Bosnjës gjatë luftës së viteve 1992-1995, një nga disa prej konflikteve që çuan në shpërbërjen e ish - Jugosllavisë.

Ndërmjet krimeve të tjera të luftës, ndaj Karaxhiqit është ngritur padi për masakrën e Sebrenicës të vitit 1995, ku u vranë më shumë se 8000 muslimanë.