Revolucioni ka humbur besimin e shumë të rinjëve kubanezë - dhe pakënaqësia - të cilën shumë vetë nuk guxojnë as ta pëshpërisin - po shprehet nga një numër këngëtarësh të muzikës rap.

Mestizo, 28, është pjesë e një dysheje rapistësh në Havana, ku ai punon si berber. "Ne jemi të shpërfillur sepse lirikat tona kanë të bëjnë me problemet me të cilat po përballen kubanezët". Këngët e tij flasin për përndjekjet e policisë, racizmin dhe varfërinë.

Në zërin e Mestizo-s ndjehet zemërim: "Unë frymëzohem nga ambjenti ku jetoj dhe përvojat e mia. Gjatë shërbimit ushtarak më dërguan në burgun e ushtrisë për shkak të pikpamjeve të mija".

Në një përpjekje për të ushtruar ndikimin e vet mbi muzikën rap, në vitin 2002 qeveria krijoi Agjensinë Kubaneze të Muzikës Rap. Por në listat e saj nuk ka kritikë të qeverisë, mbasi këta rapistë thonë se nuk duan të kompromentohen.

Për rapistët që zgjedhin të jenë të pavarur jeta është shumë e vështirë. Për të regjistruar albume ata duhet të përdorin shërbimet e producentëve të tillë si Emilio. 33-vjeçari ka kënduar muzikë rap, por disa vite më parë ai filloi të merret me produksion si një biznes më fitimprurës. Ai drejton një studio të thjeshtë me një kompjuter, te cilën e ngriti me ndihmën e babait të i tij.

Emilio është i vetë-mësuar dhe i vetë-punësuar dhe tani jeton me të ardhurat që fiton nga muzika. "Përsa i përket qeverisë, unë nuk jam producent muzike dhe nuk i deklaroj të ardhurat e mija". Unë regjistroj dy ose tre këngë në ditë, dhe ndoshta janë rreth 50 grupe të ndryshme që vijnë në mënyrë të rregullt gjatë gjithë vitit.

Maceo, 32, ka 11 vjet që merret me muzikën rap dhe po regjistronte albumin e tij të 74-t. Ai thotë se Do-Ra-Me-Fa-So është një formë kritike për të gjitha albumet që janë shitur. Për ta popullarizuar sa më shumë muzikën e tij ai i shumëfishon albumet e tij vazhdimisht, dhe i shpërndan CD-të për një shumë të vogël.

Çuditërisht, çfarëdo që të mendojnë të rinjtë kubanezë për trashëgiminë e Fidel Kastros, shumë ende e respektojnë atë si udhëheqësin e revolucionit dhe personin i cili e ka sfiduar SHBA-në gjatë gjithë kohës. "Fideli është një idhull për mua. Problemi nuk është Fideli, janë drejtuesit nën të. Ka aq shumë shkresa burokracie saqë qëllimi humbet."