Fotografja sllovake Lucia Nimcova, është zgjedhur si fituese e çmimit Leica Oskar Barnack për këtë vit, për projektin e fotografive me temë, 'Jo-zyrtare'. Duke marrë si shembull vendlindjen e saj, ajo dokumenton nëpërmjet fotografive se si koha nuk ka lëvizur që nga koha e rënjes së regjimit komunist.

Që nga viti 2002 Lucia Nimcova i është kushtuar studimeve të jetës dhe zhvillimeve në Europën Lindore, shpesh duke eksploruar rolin e gruas në shoqëri.

Duke studjuar dokumentet e mbajtura në arkivat publike të qytetit të saj të lindjes së saj në Sllovaki, ajo vuri re se dukej se asgjë nuk kishte ndryshuar gjatë viteve pas diktaturës komuniste dhe futjes së Sllovakisë në Bashkimin Europian në vitin 2004.

Kjo e frymëzoi që të vizitonte përsëri disa nga vendet që ajo mbante mënd nga koha e fëmijërisë.

Gjate këtij udhëtimi, ajo takoi njerëz të cilët ende kryenin të njëjtat funksione publike, vizitoi vende dhe institucione të cilat nuk kishin ndryshuar fare.

Dukej se gjërat kishin "ngrirë" në kohë dhe ishin lënë në hije nga zhvillimet politike dhe ekonomike.

Juria e çmimeve ndjeu se "Fotografja kishte fokusuar në kamerën e saj skena nga jeta e përditëshme në një mënyrë që e bën shikuesin të buzëqeshë dhe në të njëjtën kohë të mendojë".