Politikanja Franko-Kolumbiane, Ingrid Betancourt dhe 14 pengje të tjerë janë shpëtuar nga trupat e qeverisë në xhunglën kolumbiane, ku ajo u mbajt për më shumë se 6 vjet nga grupi rebel Farc.

Media botërore zbarkoi në bazën ajrore të Catam-it në kryeqytetin e Kolumbisë, Bogota për të kapur në kamerat e tyre pamjet e para të gruas që ishte një nga pengjet më të njohura që mbahej nga grupi rebel Farc.

Në pistën e bazës ajrore Znj. Betancourt u takua me nënën e saj, Yolanda Pulecio...

.....dhe me bashkëshortin e saj Juan Carlos Lecompte.

Operacioni i guximshëm i shpëtimit ishte një sukses madhor për Presidentin Alvaro Uribe, i cili ka bërë një luftë të ashpër kundër grupit rebel te majte "Forcat Revolucionare të Armatosura të Kolumbisë".

Znj Betancourt dhe pengjet e tjerë më vonë i treguan presidentit Uribe në pallatin presidencial në Bogota, hollësi nga procesi dramatik i shpëtimit.

Presidenti francez, Nicolas Sarkozy, i cili gjithashtu ka ndihmuar për lirimin e Znj Betancourt, takoi pjestarë të familjes së saj në Paris ndërsa ata e mirëpritën lajmin e mirë.