Më shumë se 160 vetë kanë humbur jetën në dhunën që ka shpërthyer në Kenia që prej ditës së djelë. Dhuna filloi pas akuzave për parregullsi në zgjedhjet e përgjithshme presidenciale.

Presidenti Mwai Kibaki fitoi zgjedhjet. Dhuna shpërtheu menjëherë pas shpalljes së rezultateve.

Policia e ndërhyrjes së shpejtë po merr masa për të mos lejuar përkrahësit e opozitës të futen në Nairobi.

I ishte bërë thirrje popullatës të qëndrojë larg kryeqytetit i cili vazhdon të mbetet i braktisur.

Në qendrën kryesore të opozitës, Kibera, banorët kanë plaçkitur dyqanet dhe u kanë vënë zjarrin makinave.

Policia e ndërhyrjes së shpejtë duke hequr barrikadat në përpjekje të vendosjes se rendit dhe qetësisë.

Ka patur përleshje mes civilëve dhe policisë ndërsa këta të fundit kanë përdorur bombat me gazlotsjellës. Disa prej civilëve ishin të armatosur me hanxharë.

Dëshmitarë thonë se policia hapi zjarr kundër protestuesve që qëlluan me gurë kundër tyre.

Policia arrestoi përkrahës të opozitës në Kibera

Shumë banorë u larguan të tronditur nga zonat ku shpërtheu dhuna.