BBCAlbanian.com
 
Botuar: E premte, 19 nëntor 2010 - 15:57 CET
 
Dërgoja një miku   Version i printueshëm
Si përfiton Shqipëria nga heqja e vizave
 
Tiranë
Shtetasit shqiptarë do të udhëtojnë të lirë në hapësirën Schengen
Ministrat e brendshëm të Bashkimit Evropian miratuan në fillim të muajit propozimin për udhëtimet pa viza në zonën Shengen të qytetarëve të Shqipërisë dhe Bosnje- Hercegovinës.

Qytetarët e këtyre dy vendeve duke filluar nga 15 dhjetori do të mund të udhëtojnë me një pasaportë biometrike pa viza në vendet e BE-së që janë pjesëtare të politikës së përbashkët të vizave dhe ato që janë në zonën Shengen.

Komisioneri i Zgjerimit Stefan Fule tha se ky vendim duhet t'i inkurajojë këto vende për të kryer reformat e nevojshme për t'u afruar më shumë me BE-në.

Si do të ndikojë heqja e vizave në jetën shqiptare në ekonominë, kulturën dhe vetë politikën? Kjo është tema e Forumit të rradhës.

Ilir Kadia bisedon me Alban Nelaj, ekspert i politikave evropiane, Ilir Yzeiri doktor i Shkencave dhe analistin e ekonomisë, Bardhi Sejdarasi.

Zyrtarët e BE-së, thonë se heqja e vizave do të lehtësojë kontaktet midis njërëzve, do të ndihmojë në marrëdhëniet tregtare dhe të biznesit, si dhe do të krijojë një mundësi për popujt e këtyre vendeve ta njohin BE-në më mirë.

Megjithatë BE-ja shpreh shqetësim në lidhje me abuzimin e mundshëm të kësaj të drejte.

Komisioni Europian ka krijuar një proces monitorues që synon të parandalojë rreziqet për abuzimin dhe keqpërdorimin e procedurave të kërkimit të strehimit.

Sipas një sondazhi, 60 për qind e qytetarëve në Shqipëri do të udhëtonin drejt zonës Shengen brenda gjashtë muajve të parë të vitit të ardhshëm, pra, menjëherë në periudhën që hyn në fuqi qarkullimi pa viza në këtë hapësirë.

Sondazhi i kryer nga instituti EUNACAL në Tiranë tregon, gjithashtu, se arsyeja kryesore e udhëtimeve do të jetë vizita te të afërmit dhe familjarët që punojnë në vendet e Bashkimit Europian.

 
 
Emri
Mbiemri*
Qyteti
Vendi
Email
Telefoni*
* Sipas dëshirës
Opinioni i juaj
 
  
BBCAlbanian.com mund të redaktojë komentet tuaja dhe nuk garanton se do të botohen të gjithë e-mailët.
 
LOKALE
Kush përfiton nga heqja e vizave?
08 nëntor 2010 | Forum
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>