Kufiri Shqipëri-Kosovë në Morinë

Por veç arritjeve duket se edhe problemet nuk mungojnë.

Së fundmi ka patur mosmarreveshje lidhur me disa mallra që qarkullojnë nga Kosova në drejtim të Shqipërisë, por edhe me projektin për ndërtimin e një hidrocentrali në territorin e Kosovës, hidrocentralit të Zhurit, i cili thuhet se mund të dëmtojë planet për disa hidrocentrale në anën shqiptare.

Për të diskutuar lidhur me këto zhvillime korrespondenti i BBC-së në Tiranë Fatos Ahmati bisedon me Dr. e shkencave ekonomike Gjergji Filipi, në Tiranë, dhe me ekspertin e ekonomisë Ibrahim Rexhepi, në Prishtinë.

Dëgjoni diskutimin në BBC

- Pas qëndrimit të përbashkët në çështjet kombëtare a mos Shqipëria dhe Kosova po shohin tani nga interesat e tyre të ngushta ekonomike, e tregëtare?

- Mendoni se ka vend më shumë për bashkëpunim ekonomik midis Shqipërisë e Kosovës? A munden të dy vendet të kthejnë në avantazh ekonomik qënien e tyre si një komb dhe afrinë gjeografike

- Cilat janë fushat ku Shqipëria e Kosova mund të bashkëpunojnë për të fuqizuar ekonomitë e tyre reciproke?

Na shkruani mendimet tuaja duke përdorur formularin në të djathtë.

Komentet tuaja:

Bashkëpunimi i nisur në vitet '70 do të duhet t'i jepet jetë më shumë në 2010. Më shumë mallra kosovare duhet të shiten në tregjet shqiptare dhe më shumë investime duhet të ketë nga të dyja palët për minierat kosovare që të ketë sa më shumë pëerfitime. Autostrada është pika më e mirë e takimit dhe e bashkëpunimit. Deti gjithashtu të shfrytëzohet nga kosovaret akoma më shumë jo vetëm për transport, por edhe për punësim në turizëm. Prodhimet shqiptare të shiten gjithashtu, jo vetëm në Kosovë por edhe me tutje saj.
Arensi, Nju Jork